2023 ж. 28 сәуірдегі №1 мектеп-лицейі базасында «Қамқор» көшпелі қоғамдық қабылдау бөлмесінің кезекті отырысы өтті.
Отырысқа әлеуметтік педагогтар, қамқоршылар, патронат тәрбиешілер мен асырап алушы ата-аналар шақырылды. Барлығы 70 адам қатысты.
Қоғамдық қабылдау отырысы барысында қамқоршылар, патронат тәрбиешілер мен асырап алушы ата-аналар арасында баланы тәрбиелеу, оның денсаулығына қамқорлық жасау, дене бітімі, психикалық, адамгершілік және рухани дамуы, сондай-ақ олардың қорғаншылықты, патронаттық тәрбиені пайдакүнемдік мақсатта пайдалануына жол бермеу не қамқорлыққа алынушыны қадағалаусыз және қажетті көмексіз қалдыру жөнінде түсіндіру жұмыстары жүргізілді.
Кәмелетке толмағандардың құқықтары мен мүдделерін қорғау мақсатында балалардың ата-аналарының ата-ана құқықтарынан айырылған алименттік міндеттемелері бойынша түсіндіру әңгімесі өткізілді.
Отырыста кәмелетке толмағандардың құқықтары мен мүдделерін қорғау жөніндегі кейбір заңнамалық актілерге өзгерістер айтылды.
Барлық қатысушылар қорғаншылық және қамқоршылық органдарына қойылған сұрақтарға толық және мазмұнды жауаптар алды.
