2026–2027 оқу жылына мектепке дейінгі ұйымдарды жазғы жинақтаудың басталуы туралы
Қостанай қаласының білім бөлімі ата-аналарды (заңды өкілдерді) 2026–2027 оқу жылына арналған мектепке дейінгі ұйымдарды жазғы жинақтаудың басталуы туралы хабарлайды.
2026 жылғы 1 шілдеден бастап «INDIGO» ақпараттық жүйесінде бос орындарды автоматты түрде бөлу және балаларды мектепке дейінгі ұйымдарға қабылдау үшін ваучерлер беру басталады.
Жазғы жинақтау кезеңдері
- 2026 жылғы 17 маусымнан бастап «INDIGO» жүйесінде уақытша тоқтатылады:
*ваучерлерді беру;
*балаларды мектепке дейінгі ұйымдарға қабылдау;
*балабақшалар арасындағы ауыстырулар;
*күту парақтарының жұмысы.
Жаңа оқу жылына арналған контингентті қалыптастыру үшін барлық бос орындар кері қайтарылады.
- 2026 жылғы 17–30 маусым аралығында мектепке дейінгі ұйымдар
тәрбиеленушілерді шығарып, 2026–2027 оқу жылына арналған топтарды дайындайды.
- 2026 жылғы 30 маусым мен 1 шілде аралығында кезек қайта құрылады.
2026 жылғы 31 желтоқсанды қоса алғанға дейін 2 жасқа толатын балалар ваучер алу үшін кезектің 21-санатынан тиісті санатқа ауыстырылады, осыған байланысты кезектегі орны өзгеруі мүмкін.
- 2026 жылғы 1 шілде сағат 18:00-ге дейін мектепке дейінгі ұйымдар
жүйеге бос орындар туралы мәліметтерді енгізеді.
- 2026 жылғы 1 шілде сағат 18:00-де ваучерлерді беру қайта басталып,
балаларды 2026–2027 оқу жылына арналған балабақшаларға қабылдау жүзеге асырылады.
Ваучерді алғаннан кейін
Ваучердің берілгені туралы хабарлама ED24.kz мобильді қосымшасына келеді.
Ваучерді алғаннан кейін ата-аналарға:
* 2 жұмыс күні ішінде Indigo24.kz жеке кабинетінде ваучерге қызығушылығын растау;
* растағаннан кейін 5 жұмыс күні ішінде балабақшаны таңдап, шарт жасасу қажет.
Белгіленген мерзімдер сақталмаған жағдайда ваучердің күші жойылады.
Ата-аналарға ұсыныстар
Балабақшадан орын алу мүмкіндігін уақытылы пайдалану үшін:
* ED24.kz мобильді қосымшасын өшірмеуді;
* жеке кабинеттердің дербес деректері мен құпиясөздерін үшінші
тұлғаларға бермеуді;
* Indigo24.kz жеке кабинетінде өтініштің мәртебесін алдын ала тексеріп,
оның белсенді екеніне көз жеткізуді;
* «INDIGO» жүйесіндегі балабақшалар картасын пайдаланып,
жағдайлармен танысып, қажет болған жағдайда таңдалған ұйымдарға баруды;
* бала қабылданғаннан кейін қалаған балабақшада орын болмаған
жағдайда басқа мектепке дейінгі ұйымның күту парағына тұру мүмкіндігін пайдалануды;
* қабылдау үшін қажетті құжаттарды алдын ала дайындауды ұсынамыз:
- баланың фотосуреті;
- профилактикалық екпелер картасы (№ 065/у нысаны);
- баланың денсаулық паспорты (№ 052-2/у нысаны);
- денсаулық жағдайы туралы анықтама (№ 027/у нысаны);
- ерекше білім беру қажеттіліктері бар балалар үшін – ПМПК қорытындысы.
Ата-аналардан ED24.kz қосымшасындағы және Indigo24.kz жеке кабинетіндегі хабарламаларды уақытылы қадағалап отыруды сұраймыз.
Барлық сұрақтар бойынша «Indigo24.kz» порталындағы техникалық қолдау маманына немесе Қостанай қаласының білім бөліміне 54-36-14 телефоны арқылы хабарласуға болады.
