Елімізде "Үздік педагог" республикалық байқауы аяқталды, оған Қазақстанның барлық өңірлерінен 100-ден астам педагог қатысты. Қостанай облысының намысын соңғы кезеңде 5 педагог қорғады, оның ішінде 3 педагог Қостанай қаласының білім беру ұйымдарынан.
"Үздік педагог" республикалық байқауының қорытынды кезеңінің жеңімпаздары №23 жалпы білім беретін мектептің математика пәнінің мұғалімі - Есенғұлов Қанат Маратұлы және №1 мектеп-лицейінің қазақ тілі пәнінің мұғалімі - Рахимова Эльмира Ерсәлімқызы.
Марапаттау рәсімі 6 желтоқсанда өтеді. Жеңімпаздар «Үздік педагог» куәлігімен, «Үздік педагог» төсбелгісімен және ақшалай сыйлықпен марапатталады.
Сіздерді жеңістеріңізбен шын жүректен құттықтап, шығармашылық табыс тілейміз!
