2025 жылғы 12 қарашада "Қостанай қаласы әкімдігі білім бөлімінің №14 негізгі орта мектебі» КММ базасында бастауыш сынып мұғалімдері мен логопедтерге арналған «Ерекше білім беру қажеттіліктері бар бастауыш сынып оқушыларын оқытудың инновациялық әдістері мен формалары - оқу қызметінің табыстылығын арттырудың бір шарты» тақырыбында қалалық семинар-практикум өтті.
Кездесуді мектеп директоры Гаврилова С.В. ашып, қатысушыларды мектептің «Инклюзивті білім беру» бағыты және «Тең мүмкіндіктер мектебі» идеясын іске асыру тәжірибесімен таныстырды. Ол қазіргі мектеп жағдайында инклюзивті білім берудің өзектілігін атап өтіп, семинардың негізгі міндеттері ретінде - инновациялық тәсілдерді қолдану арқылы оқу процесінің сапасын арттыру және түрлі бағыттағы мамандардың өзара ынтымақтастығын атады.
Семинардың тәжірибелік бөлімінде қатысушылар инклюзивті оқыту жүзеге асырылатын жалпы білім беру сыныбындағы, сөйлеу тілі ауыр бұзылған сыныптағы, психикалық дамуы тежелген сыныптағы сабақтар мен жеке логопедиялық сабаққа қатысты.
«ЕБҚ бар бастауыш сынып оқушыларын оқытудың белсенді әдістері мен формалары - оқу қызметінің табыстылығын арттырудың бір шарты» тақырыбындағы педагогикалық коучинг барысында мұғалімдер белсенді оқыту тәсілдерін талқылап, нақты педагогикалық жағдайларды талдады және тәжірибелік идеяларымен бөлісті.
Рефлексия кезеңінде қатысушылар командалық өзара әрекеттестіктің маңыздылығын, педагогтарды жүйелі түрде қолдау мен тәжірибе алмасудың қажеттілігін атап өтті.
Семинар инклюзивті білім беру жағдайында жұмыс тәжірибесімен алмасуға арналған маңызды кәсіби алаңға айналды және оқытудың инновациялық әдістерін енгізу мен педагогтардың тиімді пәнаралық өзара іс-қимылы ерекше білім беру қажеттіліктері бар бастауыш сынып оқушыларының табысты бейімделуі мен дамуының негізгі факторлары екенін көрсетті.
