Балаңызды басқа балабақшаға ауыстыруды жоспарлап отырған ата-аналар
бұл үдерістің негізгі қадамдарын білуі қажет. Ауыстыру үшін алдымен қазіргі балабақшадан баланы шығарып, жаңа балабақшамен келісімшарт жасалуы тиіс — егер онда бала жасына сай бос орындар болса.
Бұл ретте ваучер алу үшін қайта кезекке тұрудың қажеті жоқ: бала
балабақшадан шыққаннан кейін ваучер 5 жұмыс күні бойы күшінде болады.
Егер таңдаған балабақшада қазіргі кезде бос орын болмаса, күту парағына
жазылуға болады. Бұл орын босай қалған жағдайда автоматты түрде шақырту алуға мүмкіндік береді.
Ең үздік балабақшадағы орынды жіберіп алмау үшін ата-аналар күн сайын
бос орындар туралы хаттаманы бақылап отыруына немесе күту парағын пайдалануына болады — бұл бос орын пайда болған кезде жедел хабарлама алуға көмектеседі.
Баланы балабақшаға тіркеп, бірақ апармай қоюға бола ма?
Баланы балабақшаға тіркеп, бірақ басқа балабақшаға ауысуды күту үшін оны
барғызбау – рұқсат етілмейді. Тіркеуден кейін ата-ана баланың қатысу табеліне қол қоюы керек. Бұл құжаттар негізінде балабақша мемлекеттік қаржы алады.
Егер бала балабақшаға бармаса, бірақ табельдерге қол қойылса, бұл бюджет қаражатын мақсатсыз пайдалану деп саналып, ата-ана қылмыстық жауапкершілікке тартылуы мүмкін.
