Мектепке дейінгі оқыту және тәрбиелеу педагогтарының қалалық съезі.
2022 жылдың 28 наурызында №115 ЖББМ базасында мектепке дейінгі оқыту және тәрбиелеу педагогтарының қалалық съезі өтті.
Съезді Қостанай қаласының білім бөлімінің басшысы Уразбаева Гульсум Адилхановна ашты. Г.А. Уразбаева өз сөзінде қаланың мектепке дейінгі тәрбие мен оқыту жүйесіне қысқаша шолу жасады және жаңа талаптарды ескере отырып, оны дамытудың стратегиялық бағыттарын белгіледі.
Сондай-ақ съезд спикері Қостанай педагогикалық колледжінің мектепке дейінгі тәрбие және оқыту кафедрасының оқытушысы А. К. Абжанова, № 8 бөбекжай-бақшаның басшысы А. А. Тусова, № 11 бөбекжай-бақшаның әдіскері Т.Меден, №44 бөбекжай-бақшаның қазақ тілі мұғалімі Кенжебекова Мирамгуль Мырзалықызы болды.
Олардың баяндамаларында мектепке дейінгі ұйымдар үшін білікті кадрларды даярлау, менеджмент, мектепке дейінгі балаларды ерте дамыту, мектепке дейінгі білім беру саласындағы тіл саясатын іске асыру мәселелері айтылды.
Съезд қорытындысы бойынша мектепке дейінгі білім беруді дамытудың негізгі бағыттары бойынша шешу жолдары айқындалды.
