«Жылулық сыйла»
2022 жылғы 4-14 қараша аралығында А.Байтурсыновтың ММ психология кафедрасының бастамасымен ерекше білім беру қажеттіліктері бар адамдарға қатысты кемсітпейтін, толерантты қарым - қатынасты қалыптастыру мақсатында онкүндік өткізілді. Осыған байланысты мектепалды «Гүлім» тобының ата – аналары, тәрбиеленушілері, № 13 бөбекжайының музыка жетекшісі Айгүл Ыбырайқызымен № 69 балабақшаға барып, «Жылулық сыйла» атты онкүндікке белсенді қатысты . № 69 балабақшаның тәрбиеленушілеріне мерекелік іс – шара ұйымдастырылып, соңында №13 бөбекжайы тәрбиеленушілері № 69 балабақша балаларына алдын ала дайындаған сыйлықтарын табыс етті. Бұл жағымды тосын сый болды. Балалардың жүздері шынайы қуаныш пен шаттыққа толы болды!
Игі істеріңіз үшін алғыс айтамыз!
