Жаңалықтар
Кезекті рейдтік іс-шара өткізілді
2022 жылғы 26 тамызда Қостанай қаласының білім бөлімі қалалық прокуратура, полиция қызметкерлерімен, кәмелетке толмағандар істері жөніндегі комиссиямен бірлесіп кезекті рейдтік іс-шара өткізді.
Білім бөлімінің тұрақты бақылауында тұрған бір отбасына барды.
Отбасы көп балалы, толық емес. Анасы 2021 жылдың 18 қарашасынан бастап «Кәмелетке толмаған балаларын тәрбиелеу, оқыту және қолдау жөніндегі міндеттерін орындамайтын, олардың мінез-құлқына теріс әсер ететін ата-аналар және басқа да заңды өкілдер» ретінде Қостанай қаласының ІІБ есепте тұр.
«102» пультіне осы отбасында жанжал, алкогольдік ішімдіктерді ішу болып жатқаны туралы бірнеше рет телефон қоңыраулары түскен.
Қазіргі уақытта анасы алкогольдік тәуелділіктен емделді, оны көршілері оң сипаттайды.
Сондай-ақ, балалар оқитын мектеп әкімшілігі бұл отбасына көмек көрсетеді: оқу процесі кезінде балалар тегін ыстық тамақпен, жазғы кезеңде сауықтырумен, бос уақытын өткізумен қамтамасыз етіледі.
«Мектепке жол» қайырымдылық акциясы барысында бұл отбасыға жалпыға бірдей білім беру қорынан оқу құралдары, спорттық костюмдер, кроссовкалар алуға 184 мың теңгеден астам материалдық көмек көрсетілді. 30 мың теңге демеушілік қаражат есебінен аяқ киім, футболка, жейде алынды.
Рейдтік іс-шаралардың қорытындысы бойынша анасымен профилактикалық әңгімелесу жүргізілді, «Неке (ерлі-зайыптылық) және отбасы туралы» ҚР Кодексінің балалардың құқықтары, ата-аналардың құқықтары мен міндеттері және осы заңнама бұзылған жағдайда жауапкершілікке қатысты баптары түсіндірілді.
Бұл мәселе білім бөлімі мен қала прокуратурасының ерекше бақылауында тұр.
Қостанай облысы әкімдігі білім басқармасының «Қостанай қаласының білім бөлімі» ММ өңірлік комиссия шешім қабылдаған күннен бастап 15 (он бес) күнтізбелік күннен кешіктірмей, қала деңгейінде конкурс жеңімпаздары анықталатын «Үздік педагог» атағын беру қағидаларына сәйкес 2022 жылғы қыркүйекте «Үздік педагог» атағын беруге арналған конкурстың І кезеңін өткізу туралы хабарлайды.
Конкурстың I кезеңіне қатысу үшін қатысушы Министрліктің ақпараттық жүйесі арқылы 2022 жылғы 15 қыркүйектен кешіктірмей электрондық форматта материалдарды (портфолио, бейнесабақ, сабақ жоспары, озық педагогикалық тәжірибені трансляциялау арқылы бейнеролик, эссе) қоса бере отырып, осы Қағидаларға 1-қосымшаға сәйкес нысан бойынша конкурсқа қатысуға өтінім беруі қажет.
А.Байтұрсынов атындағы "Үздік оқытушы-2022" облыстық байқауы
Облыстық "Тілдарын" тілдерді оқыту орталығының ұйымдастыруымен өткізілген Ахмет Байтұрсынов атындағы "Үздік оқытушы -2022" облыстық байқауында Салеметсіздер ме! №19 жббм-нің қазақ тілі мен әдебиеті мұғалімі Крикпенова Гүлмира Талғатқызы үздіктер қатарынан көрініп жүлделі І орынға ие болды. ( Ақшалай сыйлық 200 мың теңге) Бірінші кезеңде бейнесабақ көрсетіп, ІІ кезеңде А.Байтұрсынов еңбектері бойынша 40 сұраққа мүдірмей, жаңылмай жауап беріп, ІІІ кезеңде тыңдаушылармен 10 минуттық сабақты жоғары деңгейде көрсете білді. 5 қыркүйек күні "Тілдер күні" мерекесіне орай өткізілетін жиында облыс әкімінің қолынан марапатталынады.Әріптесімізді жүлделі орынымен құттықтаймыз! (ҚББ әдіскері Ж.Д.Жумагулова)
Жұмыс барысында білім бөлімінің әдіскері А.Ж. Досанова қатысушыларды 2021-2022 оқу жылында қаланың білім беру ұйымдарында биология және химия пәндерін оқытудың жағдайымен таныстырды.
Спикерлер н.М. Сулекина, М. К.Жуматаева, А. Б. Бекмухамбетова, Э. Е. Есенова, Ю. Н. Шебелист, М. А. Огаркова практикалық бөлімде инклюзивтік оқыту, білім олқылықтарын толтыру бойынша жұмыста белсенді әдістерді пайдалану, функционалдық сауаттылықты қалыптастыру және дамыту үшін тиімді тәсілдер сияқты өзекті тақырып бойынша мастер-класс көрсетті. Соңында психолог С.Т. Ерғазиева тренингті өткізді, ол мұғалімдерді белсенді жұмысқа тартты.
2022 жылдың 15 тамызында №28 мектеп-гимназиясы ғимаратында қазақ тілі мен әдебиеті мұғалімдерінің «Әр баланың білім сапасын арттырудың негізгі бағыттары: жетістіктері,проблемалары,болашағы» тақырыбында әдістемелік алаңы өткізілді.Қостанай қаласында қазақ тілі мен қазақ әдебиеті пәнінің оқытылу жағдайы мен өзекті мәселелері жайлы ҚББ әдіскері Ж.Д.Жумагулова баяндама оқыды.Пленарлық отырыста тіл мамандарының көкейтесті сұрақтары талқыға түсті.Қалалық білім беру ұйымдарынан 70-тен астам тіл мамандары қатысып отырды. «Қазақ тілі мен әдебиеті сабақтарында оқушылардың ауызша сөйлеу мәдениетін қалыптастыру» тақырыбы бойынша ОТМ шеңберіндегі жұмыстың презентациясын (№19 жббм) А.Т.Кыдралина қорғаса, (№17 жббм) П.Е.Нысамбаева, Ә.Ж.Жиренбай, Н.К.Касимханова «Қазақ тілі мен әдебиеті сабақтарында оқушылардың ауызша сөйлеу мәдениетін қалыптастыру» тақырыбында шығармашылық тобының жұмысы туралы сөз алды. «Сәтті бастау:баланың даму мүмкіндіктері» әдістемелік алаң жұмысының №1 практикалық бөлігінде
(№14 ном) Г.К.Сабыкова «Жаңа технология элементтерін тиімді пайдалана отырып, оқушылардың айтылым дағдысын, білімге деген құштарлығын қалыптастыру, шығармашылығық қабілетін дамыту» тақырыбында шебер сынып, (№7 жббм) А.А.Ибраева «Ахмет Байтұрсынұлы-қазақ тілін меңгертудің әдістемесінің негізін қалаған ғалым-әдіскер» тақырыбында семинар-практикум өткізді. Ал, «Оқыту мен тәрбиелеудің бірлігі білім беру мазмұнының тәрбиелік аспектілері» әдістемелік алаң жұмысының №2 практикалық бөлігінде «Ерекше білімді қажет ететін балаларды анықтау және қолдау» тақырыбында коучингті (№18 мг) З.Д.Сергазина,(№29 жббм) Г.М.Абдигапарова мен У.С.Серденбаевалар сабақта белсенді әдіс-тәсілдердің көмегімен оқытуды қалай жетілдіруге болады сұрақтар негізінде «Жаңартылған білім шеңберінде оқушылардың тілдік дағдысын қалыптастырудың тиімді жолдары» тақырыбында шебер сыныбын өткізді.Қазақ және орыс сыныптарға дәріс беретін тіл мамандарымыз №1, №2 әдістемелік алаңда өткізілген тақырыптың өзектілігіне тоқталып, өз ойларын ортаға салып,ұсыныстар мен пікірлерін жазып қалдырды.Айтылған ұсыныстары болашақта ескерілетін болады.
Ағымдағы жылдың 11 тамызында №2 мектеп лицейінің базасында Білім беру ұйымдарының басшыларымен "Жаппай оқыту"қорынан көмек көрсету мәселелері бойынша жұмыс кеңесі өткізілді.
Кеңес барысында мектеп директорлары "Жалпы білім беру" қорынан оқушыларға материалдық көмек көрсету ережесіне (2022 жылғы 08 тамыздағы № 544) балалар жылы аясында білім беру министрлігімен енгізілген өзгерістермен таныстырылды және ата-аналар қауымдастығымен түсіндіру жұмыстарын жүргізу туралы мәселе көтерілді.
Сонымен қатар, білім бөлімі көмек көрсету аясында директорларға қадамдық іс-қимыл алгоритмін әзірледі және бекітті.
«Қазақ тілін дамытудағы үздік практиктер»
Л.Н.Толстой атындағы Қостанай облыстық әмбебап ғылыми кітапханасы ғимаратында аудандық, ҚББ әдіскерлері, орта білім беру ұйымдары мен дарынды балаларға арналған мамандандырылған мекемелердің қазақ тілі мен әдебиеті пәні мұғалімдерінің «Қазақ тілін дамытудағы үздік практиктер» тақырыбында 11 тамызда тамыз кеңесі шеңберінде секциялық отырыс өтті. Қостанай қаласының тәжірибелі ұстаздары (№18 мг) З.Д.Сергазина «Инклюзивті орта-инклюзивті оқушы және мұғалім» коучинг, ( №115 жббм) Ә.К.Усманова «Инклюзивті орта құру» коучинг, (М.Горький атындағы гимназия) А.Д.Салыкова «Тілді меңгеру деңгейлері» шеберлік сыныптарын өткізді. Тыңдаушы ретінде ҚББ әдіскері Ж.Д.Жумагулова, (№29 жбб м) Ж.М.Утеулин,(№28 мг) Г.Б.Шамшиналар «тәжірибе алмасу-іскерлікті жетілдіру» мақсатымен қатысып тәжірибе алмаса түсті.
Қазақ тілі мен әдебиеті секциясында көптеген тақырыптар қозғалды, сондай-ақ бұл тақырыптардың маңыздылығын қатысып жатқан әріптестер жоғары бағалады. Бұл коучингтың құндылығы ЕББҚ бар оқушыларды қазақ тілі мен әдебиеті сабақтарында қалай қолдау көрсетіп, оларды оқу процесіне қалай жұмылдыру керек туралы әдістерді түсіндірді. Яғни, ЕББҚ оқушыларға тыңдалып, оқылым, айтылым, жазылым дағдыларын қалай меңгерту керектігі, тапсырманың жеңіл-күрделілігін үйретті. Тәжірибе жүзінде қатысу әріптестер өз тәжірибесімен де бөлісіп, жобалар қорғап, ЕББҚ бар оқушы моделін жасады. Коучингте ЕЕБҚ бар оқушымен жұмыс жүргізуде мұғалім моделінің орны туралы сөз етілді.
Шебер-сынып барысында тілді меңгеру деңгейлерінің атауларымен топқа бөлініп, «Неліктен тілдік дағдыларды дамытуымыз керек» деген сұрақ-жауап арқылы «Тілдерді меңгерудің жалпы еуропалық құзыреті» (CEFR) деңгейлерін (А1, А2, В1, В2, С1) ескере отырып, оқу бағдарламасынан оқу мақсаттарды жету жолдары қарастырылды.
Алған білімдерін практикалық тапсырмаларды орындау арқылы талқылауға салынып, шешім тауып, өз іс-тәжірибелерінде қолданудың тиімді әдіс-тәсілдерімен танысты.
Әрқашан мерейіміз үстем, мәртебеміз биік болсын! Ұстаздарға толағай табыс тілейміз!
Құқық қорғау органдарының қызметкерлеріне балабақшадан орын алу кезінде кезектен тыс жеңілдіктер құқығын беретін заңнамалық өзгерістер күшіне енді.
Мәлімет үшін, құқық қорғау органдарының қызметкерлеріне мыналар жатады:
- прокуратура органдары
- ішкі істер органдары
- мемлекеттік өртке қарсы қызмет
- сыбайлас жемқорлыққа қарсы қызмет
Индиго жүйесінде жаңарту қосылған, бұл азаматтардың аталған санаттарына өз мәртебесін жұмыс орнынан алынған анықтамалармен растауға мүмкіндік береді.
Жаңа жеңілдік арнайы орган қызметкерлері мен әскери қызметшілердің балаларымен тең жеңілдіктердің кезектен тыс түрлерінің санатына жатады.
Назар аударыңыз! Жеңілдік тек балалардың тұрғылықты жерінде ғана қолданылады.
Толығырақ ақпаратты 54-36-14 телефон нөмірі арқылы біле аласыз
2022 жылдан бастап Білім және ғылым министрлігі мектептер, колледждер мен балабақшалардың бірінші басшыларын ротациялауды енгізді.
Белгіленген ережелерге сәйкес ротацияға бір білім беру ұйымында 4 немесе 7 жылдан астам жұмыс істеген басшылар түседі. Бұл ретте атқаратын лауазымында 4 жыл болған бірінші басшы ұсынылған ротациядан бас тарта алады. Алайда, 7 жылдан астам өтілі бар басшы міндетті түрде ротациялауға жатады.
Бүгінгі күні Қостанай қаласының білім беру жүйесінде Бірінші басшылардың жалпы саны 69 адамды құрайды, оның ішінде ағымдағы жылғы 1 тамыздағы жағдай бойынша 19 басшы табысты ротацияланды. Бұл жалпы білім беретін мектептердің 10 және мектепке дейінгі ұйымдардың 9 директоры.
Құттықтаймыз! Ұйымды ауыстыру бірінші басшылардың бастамаларын көбейтсін, олардың уәждерін арттырсын және жалпы басқару құзыреттеріне тиімді әсер етсін!
| № | Ф.И.О. подлежащего ротации | Место работы до ротации | Итог ротации |
| 1 | Дандыбаева Гульфия Тулегеновна | КГУ "Школа-лицей№2 отдела образования г.Костаная" | КГУ"Гимназия им.Горького отдела образования г.Костаная" |
| 2 | Шушпанова Ирина Валерьевна | КГУ "Гимназия им.Горького отдела образования г.Костаная" | КГУ "Школа-лицей№2отдела образования г.Костаная" |
| 3 | Унайбеков Руслан Боранбаевич | КГУ«Общеобразовательная школа № 6 отдела образования г.Костаная" | КГУ«Общеобразовательная школа № 8 отдела образования г.Костаная"» |
| 4 | Кандалина Татьяна Валентиновна | КГУ«Общеобразовательная школа № 8 отдела образования г.Костаная" | КГУ «Общеобразовательная школа № 6 отдела образования г.Костаная » |
| 5 | Шарипов Аркабай Сабыржанович | КГУ«Общеобразовательная школа № 17 отдела образования г.Костаная» | КГУ «Общеобразовательная школа № 20 имени Мариям Хакимжановой » |
| 6 | Шинбулатова Канзада Бактыбаевна | КГУ«Общеобразовательная школа № 20 имени Мариям Хакимжановой отдела образования г.Костаная » | КГУ«Общеобразовательная школа № 17 отдела образования г.Костаная» |
| 7 | Кабдулинова Анар Алибаевна | КГУ«Общеобразовательная школа № 21 отдела образования г.Костаная» | КГУ "Обшеобразовательная школа №19 отдела образования г.Костаная" |
| 8 | Шагабутдинова Наталья Серафимовна | КГУ "Обшеобразовательная школа №19 отдела образования г.Костаная" | КГУ«Общеобразовательная школа № 21 отдела образования г Костаная"» |
| 9 | Ислямов Темирбек Ислямович | КГУ«Основная средняя школа № 25 отдела образования г.Костаная » | КГУ «Вечерняя школа №2 отдела образования г.Костаная » |
| 10 | Арыстанбеков Бакыт Тулегенович | КГУ«Вечерняя школа №2 отдела образования гКостаная » | КГУ«Основная средняя школа № 25 отдела образования г.Костаная» |
| 11 | Ахметбекова Жанар Сайлаубаевна | КГКП "Ясли-сад №7» | КГКП "Ясли-сад №44» |
| 12 | Елекеева Лилия Рафхатовна | КГКП "Ясли-сад №44» | КГКП "Ясли-сад №7» |
| 13 | Алимова Гульнара Октябриновна | КГКП "Ясли-сад №12» | КГКП "Ясли-сад №16» |
| 14 | Сальменова Алмагуль Алимгазовна | КГКП "Ясли-сад №16» | КГКП "Ясли-сад №12» |
| 15 | Искакова Гульжан Сагиевна | КГКП "Ясли-сад №54» | КГКП "Ясли-сад №61» |
| 16 | Тусова Айгуль Аманжоловна | КГКП "Ясли-сад №8» | КГКП "Ясли-сад №54» |
| 17 | Берсугурова Зауреш Кундекызыковна | КГКП "Ясли-сад №61» | КГКП "Ясли-сад №8» |
| 18 | Койшина Айман Мухамеджановна | КГКП "Ясли-сад №6» | КГКП "Ясли-сад №17» |
| 19 | Абишева Римма Каирбековна | КГКП "Ясли-сад №17» | КГКП "Ясли-сад №6» |
Балалардың құқықтары мен мүдделерін қорғауды қамтамасыз ету мақсатында балаларды қолдау жылын іске асыру аясында 2022 жылы Қазақстан Республикасы Президентінің 2022 жылғы 19 қаңтарда жарияланған № 780 Жарлығымен «Мектепке жол» республикалық акциясы өткізілуде.
Акцияның ұраны: Мектепке жол - Шексіз мейірімділік.
Акцияның мақсаты – аз қамтылған, көп балалы отбасылардан шыққан оқушыларға, жетім және ата-анасының қамқорлығынсыз қалған балаларға оқу жылының басталуына дайындық кезеңінде материалдық және басқа да көмектер көрсету, әлеуметтік-тұрмыстық жағдайға байланысты балалардың себепсіз мектепке бармауына жол бермеу.
Акция 2022 жылдың 1 тамызынан басталып, 2022 жылдың 30 қыркүйегінде аяқталады.
Құрметті қауым, халықтың әлеуметтік – экономикалық тұрғыдан толық қамтылмаған отбасыларында тәрбиеленіп жатырған балаларды мектепке дайындап, оларға көңіл бөліп, шынайы қамқорлық жасап, атаулы көмек көрсетуде баршамызда азаматтық белсенділік таныта аламыз!
2022 жылдың қаңтар-маусым айлары аралығында Қостанай қаласының білім беру ұйымдары 1123 оқушыға 25325 037,68 теңге көлемінде көмек көрсетті.
Оқу жылы басталғанға дейін 1000-нан астам балаға материалдық көмек көрсетіледі.
Атап айтар болсақ, мектеп оқушыларының отбасыларына киім-кешек, аяқ киім және кеңсе тауарларын сатып алуға көмек көрсетіледі. Бұл үшін ата-аналар баланың білім алатын жеріндегі білім беру ұйымына хабарласулары керек.
«Қостанай қаласының білім бөлімі» ММ қаламыздың барша азаматтарын, бизнес өкілдерін, кәсіпкерлерді, меценаттарды акцияға қосылып, өмірлік қиын жағдайға тап болған отбасылар мен балаларға көмек көрсетуге өз үлестерін қосуға шақырады.
Акцияға қолдау көрсеткісі келетін жандардың:
Қостанай қ. А. Байтұрсынов көшесі, .67 ғимарат,. 111, 113, 114, 115. кабинеттер;
Анықтама үшін : 8 714 2 – 545 – 228 жұмыс телефонына хабарласуларын сұраймыз
«Қостанай қ. білім бөлімі» ММ
Балабақшаға электрондық жолдама алу үшін Сізге:
- Indigo.kst-goo.e-orda.kz веб-сайтына өтіңіз.
- «Жеке кабинетке» кіру қажет;
- содан кейін өтініш берушінің ЖСН енгізіңіз және жеке кабинеттен құпия сөзді теру қажет;
- әрі қарай, «жолдама алу» парағын басыңыз:
- Баланың ЖСН енгізіп, «бос орындарды іздеу» танбашасын басыңыз.
- Жүйе сіздің балаңызға жасына сәйкес келетін топтары бар барлық балабақшаларды көрсетеді, балабақшаны, топты таңдаңыз, «жолдама алу» танбашасын басыңыз.
- Жолдаманы алғаннан кейін INDIGOда жеке кабинетте "менің жолдамам" қойындысында «Шарт жасасу» таңбашаға басыңыз. Электрондық келісімшарт жасау үшін ата-аналарға қажет:
- ЭСҚ;
- банктік шот деректемелері;
- баланың сандық фотосуреті;
- денсаулық паспортының сканерленген көшірмесі;
- медициналық анықтаманың сканерленген көшірмесі;
- ПМПК қорытындысының сканерленген көшірмесі (қажет болған жағдайда).
Ата-аналарға баланың денсаулық паспортын алдын-ала дайындауға кеңес беріледі, өйткені, баланы мектепке дейінгі ұйымға қабылдауға арналған жолдаманың қолданылу мерзімі – indigo.kst-goo.e-orda.kz.портал арқылы электрондық нысанда оны алған сәттен бастап 5 жұмыс күнін құрайды (демалыс және мереке күндерін қоспағанда). Егер жолдама кешіктірілген жағдайда Сіздің өтінішіңіз 10 күнге тоқтату парағына жіберіледі.
Барлық туындаған сұрақтар бойынша сіз "онлайн" порталында техникалық қолдау маманына немесе білім бөліміне 54-36-14 телефоны бойынша хабарласа аласыз.
Құрметті ата-аналар! Балаларды мектепке дейінгі ұйымдарға кезекке қоюды ата-аналар indigo.kst-goo.e-orda.kz интернет порталында өз бетінше жүзеге асырады
Баланы кезекке қою үшін сізге:
- indigo.kst-goo.e-orda.kz порталына кіріңіз;
- «Кезекке тұру» командасын таңдаңыз;
- Балабақшаға кезекке қоюға өтініштің электрондық нысанын толтыру қажет:
- ата-аналардың қолданыстағы 2 телефон нөмірін енгізіңіз (немесе заңды өкілдерінің);
- содан кейін алынған кодтарды SMS түрінде енгізіңіз;
- әрі қарай заңды өкіл мен баланың ЖСН енгізіңіз;
- жеңілдіктерді растайтын құжаттардың скан көшірмелерін тіркеңіз (бар болса).
Бұдан әрі сіз ұялы телефонның көрсетілген нөміріне өтініш тіркеу үшін қабылданғаны туралы хабарлама аласыз. Егер көрсетілген деректер дұрыс болса және өтініш тіркеуден өтсе, ұялы телефоныңызға өтініш нөмірімен ақпараттық хабарлама келіп түседі.
Бакалавриатқа түсу үшін 2022-2023 оқу жылында 73 мыңнан астам грант бөлінді. Гранттардың басым бөлігі «Инженерлік, өңдеу, құрылыс салалары» білім беру бағдарлама топтарына бөлінді, олардың саны 17 794 грантты құрайды. Ал «Педагогикалық ғылымдарға» – 10 810 грант, «Ақпараттық-коммуникациялық технологиялар» саласына – 9 103 грант, «Жаратылыстану ғылымдары, математика және статистика» бағытына– 6 288 грант тиесілі. Осылайша, техникалық бағыттар бойынша мемлекеттік тапсырыстың үлесі 60% - ға дейін ұлғайды.
ҰБТ қорытындысы бойынша кемінде 65 балл жинаған талапкерлер ұлттық жоғары оқу орындарына, кемінде 50 балмен басқа жоғары оқу орындарына түсе алады. Бұл ретте «Педагогикалық ғылымдар» және «Құқық» білім беру салалары бойынша шекті балл кемінде 75 балл, «Денсаулық сақтау» − кемінде 70 балл, «Ауыл шаруашылығы және биоресурстар», «Ветеринария» – кемінде 60 балды құрайды.
Биыл білім беру гранттарын тағайындау конкурсына қатысу үшін құжаттарды қабылдау 13 шілде күні басталып, 20 шілдеге дейін жалғасады.
Оқуға түсушілер Қостанай қаласы, Тәуелсіздік көшесі, 118 мекенжайы бойынша орналасқан (тел: 7142-54-28-49) А. Байтұрсынов атындағы ҚӨУ базасындағы қабылдау комиссиясына құжаттарын тапсыра алады, сондай-ақ жоғары оқу орындарында виртуалдық қабылдау комиссиялары жұмыс істеп, ZOOM платформасы арқылы талапкерлерге бейне байланыс арқылы кеңес береді.
Оқуға түсушілер 16 мамыр мен 5 шілде аралығында өткен ҰБТ-ның екі нәтижесінің біреуін конкурсқа ұсына алады.
Мемлекеттік білім беру гранттарын тағайындау конкурсына қатысуға құжаттарды электронды түрде тапсыру үшін талапкерлерге келесі құжаттар қажет:
Жеке куәлік;
ҰБТ сертификаты;
3х4 көлеміндегі фото;
орта білім туралы аттестат (техникалық және кәсіптік білім беру (ТжКБ) ұйымдарының түлектері үшін диплом);
№ 075/у нысанындағы медициналық анықтама және № 063/у нысанындағы профилактикалық екпелер картасы;
ер жігіттер үшін әскери тіркелу куәлігі;
жеңілдетілген санат бойынша конкурсқа қатысу үшін растайтын құжаттар.
Егер талапкер «Алтын белгі» иегері немесе отансүйгіштік және белсенді азаматтық ұстанымы үшін ерекшелік белгісімен марапатталған болса, онда ол басқа үміткерлермен балдары тең болған жағдайда басым құқыққа ие болады. Олимпиадалар мен спорттық жарыстардың жеңімпаздары үшін де осындай басымдылық қарастырылған.
Сонымен қатар халықтың әлеуметтік осал топтарына бөлінетін гранттар саны көбейтілді. Кәмелетке толмаған төрт және одан көп бала тәрбиелеп отырған отбасылардағы балалар үшін гранттардың жалпы санының 5%-ы, кемінде үш жыл толық емес отбасы мәртебесі бар отбасылардан шыққан балаларға – 1%, І, ІІ топтағы мүгедек балаларды тәрбиелеп отырған отбасылардан шыққан түлектерге білім беру гранттарының 1%-ы көзделген. Жетім балалар және ата-анасының қамқорлығынсыз қалған балалар мен I, II топтағы мүгедектер, бала кезінен мүгедектер, мүгедек балалар арасынан шыққан азаматтар үшін квота гранттар санының 1%-ын құрайды. Жыл сайын Қазақстан Республикасының азаматы болып табылмайтын ұлты қазақ адамдарға (қандастарға) гранттардың 4%-ы беріледі.
"Мектепке жол": Жақсылық жаса !
2022 жылғы қаңтар-мамыр аралығында Қостанай Білім беру ұйымдары 706 оқушыға 18939441 теңге сомасында көмек көрсетті.
Оқу жылы басталғанға дейін 1000-нан астам бала материалдық көмекпен қамтылады. Мектеп оқушыларының отбасыларына киім, аяқ киім және кеңсе керек-жарақтарын алуға көмектеседі.
Ел президенті Қасым-Жомарт Тоқаев балалар жылы деп жариялаған Қостанай қалалық сотының төрешілер корпусы "Мектепке жол" қайырымдылық акциясын бастап, отбасылардың біріне компьютер сыйлады. 1 қыркүйекте төрешілер балаларды мектепке жинауға да көмектеседі.
Құрметті азаматтар!
Сіздерді азаматтық белсенділік танытуға және осы акцияға қатысуға шақырамыз.
Анықтама телефоны: жұмыс телефоны – 87142-545-228
Мекен-жайы: Қостанай қ., Байтұрсынов к-сі, 167 үй, каб. 111, 113, 114, 115.
Қуанышты жаз.
Қостанай қаласының білім бөлімі жыл сайын қала сыртындағы лагерьде балалар үшін демалыс ұйымдастырады.
Осы жылы қала сыртындағы "Болашақ" лагерінде балалардың демалыс базасына келуі 2 кезеңде ұйымдастырылды: 13-22 маусым аралығында - 150 бала, 25 маусым мен 4 шілде аралығында – 200 бала.
Бүгін балалар «Болашақ» лагерінен келіп, өз әсерлерімен бөлісіп жатыр.
Күннің бірінші жартысында балалар қызығушылық студияларына барды (өзін-өзі қорғау, сурет салу және т.б.). Екінші жартысында олар қарағай орманында серуендеді. Сондай-ақ, балалар "Азиада" спорттық ойындарына, «Ветер странствий» ойын-сауық іс-шараларына, тақырыптық күндерге, басқа да конкурстық бағдарламаларға белсенді қатысты, скалодромда және жіп паркінде (экстрим парк) уақыт өткізді.
Балаларға лагерьдегі демалыс өте ұнады, жаңа достар тапты, көптеген дағдылар мен білім алды.
200 балаға арналған келесі жарыс 25 маусымда өтеді.
Барлық ұлдар мен қыздар үшін демалыс әлі де қызықты өтіп жатыр, бұл достармен және табиғат аясында серуендеу,шытырман оқиғаларды іздеудің тамаша уақыты, демалуға және денсаулығыңызды жақсартуға жақсы мүмкіндік. Барлық балаларға шуақты күндер, ұмытылмас эмоциялар, жағымды әсерлер және жақсы демалыс тілейміз!
«Қостанай қаласының білім бөлімі» ММ
Ақпарат
Қостанай қаласының білім бөлімінің жоспарына сәйкес Қазақстан Республикасының азаматтары болып табылатын балаларды асырап алуға беру туралы рұқсат беру мүмкіндігі (мүмкін еместігі) туралы қорытынды беретін комиссияның кезекті отырысы өткізілді.
Комиссия отырысында 7 іс қарастырылды, оның ішінде 3 іс құжаттарды пысықтауға байланысты қайта қарастырылды.
Талқылау барысында кәмелетке толмаған балалардың туыстары туралы материалдар, олардың түсіндірмелері, білім беру бөлімдерінен жауаптар және басқа да құжаттар зерделенді.
Нәтижесінде Қазақстан Республикасының азаматтарына балаларды асырап алуға беру туралы 6 оң қорытынды берілді, 1 жеке іс толық материал алу үшін Комиссияның келесі отырысына жіберілді.
«Қостанай қаласының білім бөлімі» ММ
Балалар жылына орайластырылған іс-шаралар жоспары аясында, дәстүрлі халықтық мәдениет, сәндік-қолданбалы шығармашылық саласында дарынды балаларды анықтау, дамыту және қолдау мақсатында қосымша білім беру ұйымдарының тәрбиеленушілері арасында «Жас дарын» байқауы өткізілді.
Толығырақ:
Байқауға БШМ, БТМ, аула клубы, көркемсурет мектебінің тәрбиеленушілері қатысты.
Конкурс қорытындысы бойынша 7-1 орын, 5-2 орын, 4-3 орын берілді.
Қалалық кезеңнің жеңістері (1 орын) "Жас дарын"сәндік-қолданбалы балалар шығармашылығының облыстық көрме-конкурсына қатысу үшін жіберілді.
Құттықтаймыз!
Қала мектептерінің балаларына арналған мерекелік іс-шаралар жалғасуда. Бүгін, 2022 жылдың 2 маусымында білім бөлімі Қалалық орталық саябақ әкімшілігімен бірлесіп орталық саябақта 60 балаға демалыс ұйымдастырды.
Балалар достары мен сыныптастарының арасында көңілді және танымды уақыт өткізді, кейбіреулері өздері үшін жаңа достар тапты. Балалар «Колесо обозрения», «Гусеница», «Катерок», «Орбита» және т. б. аттракциондарға қуана барды.
Мереке сәтті өтті! Қаланың орталық саябағына саяхат естелік ретінде жалпы суретке түсумен аяқталды. Баршаңызды Халықаралық балаларды қорғау күнімен тағы да құттықтаймыз!
Құрметті ата-аналар! Балаларға бүгін ғана емес, күн сайын, минут сайын қорғаныс қажет екенін есте сақтаңыз.
